oumaima zagni
عضو نشيط
الإسم الحقيقي : oumaima
البلد : maroc
عدد المساهمات : 138
التنقيط : 50562
العمر : 28
تاريخ التسجيل : 14/02/2011
الجنس : 
 |  موضوع: حيوط المحبة  الثلاثاء 15 مارس 2011, 14:06 | |
| حيوط المحبة
حيوط لمحبة رابو
ساس لمتين لقيتو راشي
لخوت كلها ساد بابو
ماهمني حالهم نسال ونقول علاشي
ضوء ليل طافي وشموعنا ذابو
راحة مالقيتها حتى ف فراشي
الخيط والمخيط زايد ف ثقابو
تهدينا من ترقاع لخناشي
الواصي علينا جامع صاحبو
هذا ليه وهذا ليك وباقي ماشي
خيرات لبلاد كلها ف حسابو
خويا وختي وداخل راشي
لله يا ريح قوية هـبي ف صيف
خودي لقبيح وخلي لمليح
شبابنا فطريق على جنب رصيف
لا شغل لا مشغالة لا اجر صحيح
خوف والقهرة رقابنا ممدودة لسيف
لسان الحق مطوي ما قدر يصيح
القلب عامر موسخ ماهو نظيف
علامنا ما وقف وقفة ساير يطيح
ساكتين طايعين فين صحاب نيف ؟
يزانا من كلام الخارف وتصنطيح
سوق خاوي وداخل ليه يطلب لطيف
لا صلاة لا عبادة ماشادين تسبيح
هشام الغيواني
نجوم وشعاع
نجوم ليل ما هي نجوم
دنيا حيرت كل مغبون
من حر الهم غاب النوم
لا تسال الهاني سال المسجون
بسلاسل الظلم مكتوم
طفات نار داك الكانون
الارض راوية لكحات
سطور لحكاية نقصات
ريوس شهبة شطحات
على شبابنا ضحكات
شعاع الشمس ماهو شعاع
وماشي كاع لمكور دلاح
لخامج ف سوق ما يتباع
وكلام صح رجع مزاح
اليد ما تعزف بلا صباع
خبزة ما طيب بلا فراح
الحياة كيف الميزان
شي طالع وشي زربان
من لباطل عليتي ف لبنيان
اخرها دنيا ف ملك الرحمان
هشام الغيواني | |
|
alaa eddine
عضو متّألق
الإسم الحقيقي : ALAA EDDINE KENNOU
البلد : MAROC
عدد المساهمات : 9594
التنقيط : 74683
العمر : 28
تاريخ التسجيل : 11/10/2010
الجنس : 
| | موضوع: رد: حيوط المحبة الثلاثاء 15 مارس 2011, 14:10 | |
| merciiiiiiiiiiiiiiiiiiiiiiiiiiiiiiiiiii oumaima | |
|
عبدالله ناجح
عضو متّألق
الإسم الحقيقي : ABDALLAH NAJIH
البلد : ROYAUME DU MAROC
عدد المساهمات : 12530
التنقيط : 79268
العمر : 30
تاريخ التسجيل : 16/09/2010
الجنس :
| | موضوع: رد: حيوط المحبة الأربعاء 04 مايو 2011, 06:07 | |
| | |
|
