(( سافر ))

سافر

سافر برّات البلد تَ يحسن وضع أهلو
ماتوفّق بغربتو وبعت هالرسالة لَ خيّو

الكان يقلو خدني لعندك ولمّن ما أخدو
صار يقصّر عليه بالمكاتيب

مكتوبَـك تأخّـر
مكتوبك تأخّر يا خيّ كتير

عليك وعـَ أمّي منشغل بالي
عندي هموم كتير ل التفكير

كرمال الله تبعت رْسالي
كيفك يا خيّ وكيف ( نبع الشير)

وكيفو جبلنا الشامخ العالي
وأرض ( الوطا ) وكروم ( ل معابير)
وأمّي وجدّي وعمتي وخالي

وكف حال ضيعتنا ول النواطير
وسهراتنا وبو زيد الهْلالي

وكيفو السكر عا غيبة السكّير
وكركة خليل وموسم الدالي

وأحلى صبية عملت مشاوير
عَ دروب فيها كْتبت موالي

قولك بعدني بْ بالها يا زغير
يمّا القلب متل الدرب خالي

وأسرار خيّك حطّها بالبير
صاير يا خّي بلاطش خيالي

ساعه بلوم الفقر والتعتير
وقلة الحيلة وشح أموالي

وساعة بحط اللوم والتقصير
عا حظ خابت فيه آمالي

وكل مَ ذكرت بستانّا والنير
وصمد التركتو خاطرو مكسور