بنت الأصل (زجلية)

كلامي اليوم

ليك انتي

همي اليوم

هو انتي

ملي شفتك فدرب

ماهو دربك

 ضربتني عليك النفس

وزيراتني نـــدويsample image

انا ماشي فقيه

وماشي حرفتي

مكنضرب كارطة

مكنقرا كفوف

غير ضرني خاطري



شداتني ليك

محنة وشفة

فيك امي

اختي و بنتي













بنت الاصل جدر

ضاربا فقاع لعز

منبّت ترابي مخلقة

تحدر العين

ماتعمر مجمع

ما تونس بكلام

حيث بنت الاصل

والنقلة طيبت

كنتي وخليك

كيف كنتي

وريدة بعييييدة

فعريش من شجرة

مشوكة

الي مد ايدو

اتقرص وما ترضى

بكاس ولا حتى محبقة

حيث ربي عطاك

من خيرو جنان واسعة

ارض مباركة مسعودة



طلقي فيها الزين

انهار مولاك احن



وتسقاي بماء نقي

كثير صافي

ماشي محنة غراف

مثقوب

مايروي عطشك

والى ارواه

عرفيه وسخ اضرك

هدا كلامي

ويلا قدرنا نكولو

كلام نفسي

عليك

يالي انتي فمقام

امي اختي وبنتي

ديري بيه

تصيبي حيث العز

كيجي مني

ماشي من واحد براني

                                      بقـــــلمي : بدر الدجى يوسف