زجلية بعنوان " العين"

العين من العين بحر...
بالشووفة تهدر...
تروي حكاوي العمر
عطية ربي...
سبحانو
ماتخبي ماتستر
وليااا...
وخاااا تبغي ماتقدر
حنت...
بنت الاصل...
والاصل جدور
معقول مأصل
تفرح تبان...
تحزن تبان...
اتفقص تبان للعيان...
كحلا زرقا خضرا
لوان...
محزمة بشفــــــــــــار...
منها تغــــــــــــار...
خوتات زعما !!
كريشة وحدا ياحسرا؟
الشفرة مادير بعار البزولة

تضحك وتسد طريق لعوينة...
تشهدها ما بغات وتنكرها...
رموش يارموش ...
العار يا لعار ...

حلي عل خيتك وحني
راكم بنات اصل زعما...
والاصل عالدغل مايقبل
كيف اللبن صافي...
فغراف مزيت
الوحها الوحها...
وحيث القلب نقي
وحتى نتي
ديري مادار لعقل
وزن ورزن...
ولطريق الحق
فطن
ونتي ولعين توام

ولخو ماعندو لين عالخو
حيت كالو سيدنا الوالا
اللحم لا خنازت
كيهزها ملاها.

بقلمي بدر الدجى يوسف

» قصيدة زجلية بعنوان: العزوبية
» للتندر بعنوان حبيتك
» للتندر بعنوان جدي وستي
» قصائد مغربية زجلية (الصبر)
» قصائد مغربية زجلية.......//// باللهجة المغربية