آآآجيــوْ..!! / زجل

:erferre:
:mmmmmmmyt:

آآآجيــوْ..!! / زجل
أجيو نْديرو ضَاية مْن سْراب

نّسجو مْـلحَفْ من خيط الليلْ

نْحلقـُو شْعورنا

نْبيعو دْيورنا

نْطلقوا طْـيورنا

و نْهربو من كْمام الويلْ

**

أجيو نْـفتلو سْميدة مْن تْرابْ

نْسقيو قـْصعة بدّم يْسيلْ

نـْقطعوا عْروقنا

نْحرقو سُوقنا

نْهجروا شْدوقنا

ونزمّـو فـْوام قـَال وقيلْ

**

أجيو نديرو شْـتوة بْلا سْحاب

نْخلقو سواقي وورد جْميل

يبْرد جوفنا

تشرب خْيولنا

تفزك حيوطنا

ونْعَمرو ألف ألف ْبرميل

**

أجيو نشوفو الحجّامة والكـُلاًبْ

نخليو دم كثير أو قليل

ترتاح رْيوسْـنا

تهدا ضْروسْـنا

تشرق شْموسنا

ونفرحوا بنعاسْ الليلْ

:man9oooool:

bravoo khtito

merci

de rien khtito

:bvgfrt:

» آآآجيــوْ..!!